Milli Məclisin Mədəniyyət Komitəsinin sədri Qənirə Paşayeva Vətən Müharibəsinin Qəhrəmanı, şəhid Fəqan Zalovun atası Amil Zalov ilə görüşüb.

Axar.az xəbər verir ki, millət vəkili Amil Zalovu düşmən üzərində qələbə münasibəti ilə təbrik edib və Fəqan kimi övlad yetişdirən ata ilə bütün xalqımızın qüruru duyduğunu bildirib.

“Azərbaycan Ordusunun Hərbi Dəniz Qüvvələrinin miçmanı olan oğlunuz Fəqan Zalov Vətən müharibəsi zamanı yaralansa da, qısa müddətli müalicədən sonra, öz istəyi ilə yenidən döyüşlərə qayıdıb.

Oğlunuza döyüşdə igidlik və mərdlik nümayiş etdiridiyi üçün Azərbaycan Prezidentinin sərəncamına əsasən “Vətən Müharibəsi Qəhrəmanı” yüksək adı verilib.

Fəqan Zalov həmçinin bir sıra medallarla təltif edilib”, - Mədəniyyət Komitəsinin sədri deyib.

Qəhrəmanın atasına Komitə adından təşəkkür məktubu, Qarabağ mövzusunda rəsm əsəri və xatirə hədiyyələri təqdim edilib.

Görüşdə millət vəkili Məşhur Məmmədov, RHİM İB sədri Arzu Bağırova da iştirak edib.