Axar.az
Yuxarı

AB-nin Bakı ofisindən Azərbaycana - Şok təxribat

Ana səhifə Gündəm
12 Punto 14 Punto 16 Punto 18 Punto

16:07

Avropa Birliyinin (AB) Bakı ofisinin və Yunanıstanın Azərbaycandakı səfirinin Azərbaycana qarşı işbirliyi ortaya çıxıb.

APA-nın diplomatik mənbələrdən əldə etdiyi məlumata əsasən, Yunanıstan Prezidenti Prokopis Pavlopulos Bakıda keçiriləcək l Avropa Oyunlarında iştirak etmək qərarından daşınıb. Buna səbəb isə Yunanıstanın Azərbaycandakı səfiri Dimitris Sunqasın bu ölkənin Xarici İşlər Nazirliyinə ötürdüyü dezinformasiya xarakterli məlumatlar olub.

Belə ki, səfir mayın 21-də Yunanıstan XİN-ə göndərdiyi məlumatda iddia edib ki, l Avropa Oyunlarının açılışında heç bir dövlət və hökumət başçısı iştirak etməyəcək.

Səfir öz iddiasını həm də Avropa Birliyinin Bakı ofisindən səfirliyə daxil olan və guya l Avropa Oyunlarının dünya liderləri tərəfindən "boykot" ediləcəyi haqqında məlumat ilə əsaslandırıb.

Səfir məktubunda hətta iddia edib ki, Rusiya və Türkiyə prezidentləri də açılışda iştirak etməyəcəklər. Məhz bundan sonra Yunanıstan hökuməti səfirin yanlış iddiasını əsas tutaraq, açılış mərasimində idman nazirinin müavini Stavros Kontonis səviyyəsində təmsil olunmaq barədə qərar qəbul edib.

Diplomatik mənbə onu da bildirib ki, Yunanıstan XİN-i formal olaraq bu qərarını Prezident Prokopis Pavlopulosun mayın 9-da Qələbə günü münasibətilə Moskvada keçirilən hərbi paradda iştirak etməməsi və buna görə də balans saxlamaq zərurəti ilə əsaslandırıb.

O da məlum olub ki, son günlər Avropa Birliyi və onun Bakıdakı ofisi ayrı-ayrı ölkələrin rəhbərliyinə və Azərbaycandakı səfirliklərinə müraciətlər edərək, onları l Avropa Oyunlarının açılış mərasimində iştirakdan çəkindirməyə çalışır.

***

Aİ-nin Bakı nümayəndəliyindən isə APA-ya daxil olan xəbərdə qeyd olunub ki, bu barədə mediada verilən informasiya heç bir şəkildə düzgün deyil: "Aİ-a üzv dövlətlərin Avropa Oyunları kimi idman tədbirlərində iştirak etməsinə dair tövsiyə vermək Aİ nümayəndəliyinin səlahiyyətinə daxil deyil".

Aİ Nümayəndəliyi onu da xatırladıb ki, 21-22 may tarixində Şərq Tərəfdaşlığı Sammitinin Riqadakı birgə bəyanatında sammit iştirakçılarının "iyun ayında Azərbaycanda keçiriləcək I Avropa Oyunlarını səbirsizliklə gözlədikləri" vurğulanıb.

Yunanıstanın Bakıdakı səfirliyi isə məqalənin bütün məzmununu qəti şəkildə təkzib edib: "Yunanıstan tərəfi rəsmi mövqeyini bildirəcək".

Tarix
2015.06.05 / 21:17
Müəllif
Axar.az
Şərhlər
Digər xəbərlər

İranın Azərbaycanla münasibətləri... - Səccadpur

Türk general: Kimsə Bakıya barmaq silkələyə bilməz - Video

Bayraq böhranı: Ordumuz irəlilədi, Yeqorov gəldi...

Azad edilən ərazilərdə 16 min mina aşkarlandı - MN

Gözlər Soçiyə dikilir: Nələr gözlənilir?

İrəvanın məkri: Geri çəkilir, separatçıları rus qucağına itələyir...

Ərdoğan BMT-də Azərbaycandan danışdı

İranın “Arazboyu” rəqsi və ermənilərin sevinci

Azərbaycanlılar İrəvanda: Erməni rədd olub keçir, biz isə... - Video

Ərdoğanın Rusiyaya səfər tarixi açıqlandı

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla