Dərbənd meri İmam Yaraliyev Vahid Rusiya Partiyasının Dağıstandakı şöbəsinin Siyasi şurasından çıxarılıb.

Bu barədə Axar.az-a Dərbənddəki mənbələrdən məlumat verilib.

Mənbənin məlumatına görə, artıq iqtidar partiyası da Yaraliyevin fəaliyyətindən narazıdır. Bundan başqa, partiya daxilində Yaraliyevin Dərbənddəki yubiley tədbirlərindən sonra istefaya göndəriləcəyi və yerinə ləzgi millətindən olan başqa bir şəxsin gətiriləcəyi ilə bağlı şayiələr gəzir.

Qeyd edək ki, Yaraliyev nəinki Dağıstan, həm də Rusiyada güclü əlaqələrə sahibdir. Rusiya Dumasının deputatı olması və Dağıstandakı hakimiyyətdə təmsil olunması ona bu əlaqələri qurmağa şərait yaradıb. Yaraliyevin digər bir dəstəkçisi isə ləzgi milyarderi Süleyman Kərimovdur. Dağıstan Prezidenti ilə kəskin münaqişədə olan mer artıq Rusiya Prezidentinin Şimali Qafqaz üzrə nümayəndəsi, milliyətcə ləzgi olan Sergey Məlikovun da dəstəyini itirib.

İmam Yaraliyev həm də Azərbaycan qarşı terror təşkilatı kimi tanınan "Sadval"ın əsas himayədarlarından hesab olunur.