Bu gün Qarabağın qəlbi və incisi olan Şuşada ilk cümə namazını qıldıq. Bir türk adəti ilə Hikmət Hacıyevlə çörək kəsdik.

Axar.az xəbər verir ki, bu sözləri Türkiyənin Azərbaycandakı səfiri Cahid Bağçı öz rəsmi Tvitter səhifəsində yazıb.

“Prezident Administrasiyasının xarici siyasət məsələləri şöbəsinin müdiri Hikmət Hacıyevin müşayiəti ilə Qarabağ, işğaldan azad edilmiş Azərbaycan ərazisi barədə diplomatlara məlumat verildi”.

Qeyd edək ki, bu gün Azərbaycanda akkreditə olunmuş diplomatik korpusun və beynəlxalq təşkilatların 100-dək nümayəndəsinin işğaldan azad olunmuş Füzuli və Şuşa şəhərlərinə səfəri başlayıb. Səfər Azərbaycan Respublikasının Prezidenti, Müzəffər Ali Baş Komandan İlham Əliyevin tapşırığı əsasında təşkil olunub.