Belarus və Azərbaycan əlaqələrini qorumaqla yanaşı, gücləndirməyi də bacarıb.

Axar.az xəbər verir ki, bunu Belarus Prezidenti Aleksandr Lukaşenko Azərbaycanın Belarusdakı fövqəladə və səlahiyyətli səfiri Lətif Qəndilovun ölkədəki diplomatik missiyasının başa çatması münasibətilə görüşündə deyib.

“Pis bir ənənə var: ən yaxşı dost səfirlərimiz gedirlər. Ümid edək ki, sizdən sonra gələnlər də dostumuz olacaq və sizin dövrünüzdə olduğu kimi, biz də Azərbaycanla ən xoş münasibətləri davam edə biləcəyik. Ancaq Azərbaycanla yaxşı münasibətlərimiz olacağına şübhə etmirəm, çünki bütün səviyyələrdə bu münasibətləri qarşılıqlı anlaşma əsasında qurmağı bacarmışıq”, - deyə Aleksandr Lukaşenko bildirib.

Prezident iki ölkə arasında yaxın və dost münasibətlərin inkişaf etdiyini vurğulayıb:

“Tez-tez dediyimiz kimi, qardaşlıq münasibətlərimiz var. Bu, Sovet İttifaqı dövründən bəri yaxşı münasibətlərin bir nümunəsidir. Biz bunu yalnız qorumağı deyil, gücləndirməyi də bacardıq. Əlbəttə, bunun üçün çox şey etmisiniz. Sən xalqımızın əsl dostusan. Həqiqətən ümid edirəm ki, ömrünün bu dövründən sonra harada çalışsan da, Belarus ürəyində qalacaq”.