Yuxarı

Tokayev niyə TDT-ni yox, KTMT-ni yardıma çağırdı?

Ana səhifə Gündəm
12 Punto 14 Punto 16 Punto 18 Punto

Qazaxıstanda iğtişaşların baş verməsi narahatlıq doğurur. Ona görə ki, bu hadisə digər dövlətlərə də sıçraya bilər. Elə bir addım atmaq lazımdır ki, münaqişə dinc yolla həll edilsin.

Bu sözləri Axar.az-a açıqlamasında millət vəkili Vahid Əhmədov deyib.

O bildirib ki, Qazaxıstanda baş verən proseslər olduqca ciddidir:

“Hələ ki, bu iğtişaşlarda kimlərin iştirak etməsi, kimlərin bu prosesdə əlinin olması sona qədər aydın deyil. Azərbaycan üçün Orta Asiya ölkələri böyük əhəmiyyət kəsb edir. Qazaxıstanla münasibətlərimiz həmişə yüksək səviyyədə olub. Bütün MDB çərçivəsində həmişə Qazaxıstanın birinci prezidenti Nursultan Nazarbayev Azərbaycanı müdafiə edib, bir sıra məsələlərdə Azərbaycanın yanında olub. Qazaxıstan Orta Asiyada ən qüdrətli dövlətlərdən biridir”.

Millət vəkili qeyd edib ki, Qazaxıstanın rəhbəri Tokayevin sülhməramlılar adı ilə KTMT-ni ölkəyə dəvət etməsini doğru addım saymır:

“Bu, dövlətin daxili məsələsi olduğu üçün o qüvvələrlə görüşüb, problemi özü həll etməli idi. Xaricdən hansısa qüvvələrin Qazaxıstana dəvət olunması cəmiyyət tərəfindən də yaxşı qəbul edilən amil deyil. Qazaxıstan da Türk Dövlətləri Təşkilatının üzvüdür. Ora da müraciət edə bilərdi. İndi əsas sual budur ki, niyə Tokayev Türk Dövlətləri Təşkilatına deyil, KTMT-yə müraciət etdi? Niyə öz xalqına qarşı silah işlətdi? Bunlar sual doğuran məsələdir. Bu, onun öz xalqıdır, nədənsə narazıdır və mitinq keçirir. Onu yatırtmaq, danışıqlara getmək lazım idi”, - deyə o, qeyd edib.

Deputat əlavə edib ki, Qazaxıstanda baş verən hadisələr yüksək sürətlə inkişaf edir:

“Hadisələrin nə ilə qurtaracağı sual altındadır. Amma ümumilikdə Qazaxıstandakı iğtişaşlar Orta Asiya, Qafqaz ölkələri üçün arzuolunan deyil. Hazırda baş verən iğtişaşların arxasında kimlərin dayandığını demək çətindir. Müəyyən təhlillər aparılır, izlənilir. Ola bilər ki, bu hadisələrin arxasında geosiyasi məsələ dayansın. Bunu zaman göstərəcək”.

Tarix
2022.01.07 / 09:14
Müəllif
Zeynəb Əkbər
Şərhlər
Digər xəbərlər

Araikin müsahibəsi ilə bağlı AzTV-dən yeni açıqlama

Əskipara qəribə durum: evinin yarısı Azərbaycana düşür - Video

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla