Bəşər Əsədin hansı dövlətə prezidentlik etdiyi məlum deyil.

Axar.az xəbər verir ki, bunu Feysbuk profilində politoloq Elxan Şahinoğlu yazıb. O, Suriyanın böyük və kiçik bölgələrə parçalandığını bildirib:

"Suriyada daha kimlər bir-biri ilə savaşmır ki? Suriya ordusu, İŞİD, Nüsra Cəbhəsi, PKK-nın törəmələri, Azad Suriya Ordusu, İran İslam İnqilabı Keşikçiləri, Hizbullah. Bunlar xatırladıqlarımdır. Əsil kokteyldir. Suriya böyük və kiçik bölgələrə parçalanıb, hər bölgənin öz komandanı var. Suriyanın 8 milyon qaçqını yaşamağa məkan axtarır. Bu biri tərəfdən də ABŞ, Fransa, Türkiyə, indi də Rusiya təyyarələri İŞİD axtarışında Suriya ərazilərini bombalayırlar. Belə olan halda Bəşər Əsədin hansı dövlətə prezidentlik etdiyi məlum deyil. Çünki Suriya adlı dövlət qalmayıb və bu dövləti keçmiş sərhədlərinə qaytarmaq çətin olacaq, əgər mümkün olacaqsa..."

Qeyd edək ki, Rusiya dünəndən İŞİD adıyla Suriyada hava əməliyyatlarına start verib.