Ana səhifə Gündəm |
Parlament seçkilərinin sonuncu – 125-ci dairəsində 6 namizəd mandat uğrunda yarışacaq.
Axar.az-ın verdiyi məlumata görə, 125 saylı Zəngilan-Qubadlı Seçki Dairəsindən YAP-ın vahid namizədi indiki deputat İmamverdi İsmayılovdur.
Ramiz Nəcəfov adlı namizəd ona yeganə partiya mənsubiyyəti olan rəqibdir. R.Nəcəfovun Böyük Qurtuluş Partiyası tərəfindən namizədliyi irəli sürülüb. Digərləri isə deputatlığa iddialı bitərəflərdir.
Onlardan biri Babək Sirab ASC-də şöbə müdiri Rövşən Mustafayev, digəri - Bakı Hüququ Müdafiə Mərkəzi MMC-nin direktoru Tahir Əlirzayevdir.
Bundan başqa, Qubadlının Fərcan kənd məktəbində müəllim işləyən Ədalət Əsədov və vəkil Qara Məmmədov da seçkilərə qatılıb.
Xatırladaq ki, Aərbaycan parlamentinə seçki noyabrın 1-də keçiriləcək.
Tarix
2015.10.06 / 18:27
|
Müəllif
Emil Salamoğlu
|