Türklər Ərdoğanın vəd etdiyi sabitlik üçün ağır əvəz ödəyə bilərlər.

Axar.az xəbər verir ki, bu iddia ilə "Qardian" qəzeti çıxış edib. Qəzet Ədalət və İnkişaf Partiyasının 7 iyundan sonra tarixinin ən böyük uğurunu qazandığını bildirib:

"Ərdoğan "məndən sonra tufan olacaq" siyasətindən yararlanaraq, hər şeyi dəyişə biləcəyini planlaşdırırdı. Prezident tərəfsiz olmağına rəğmən, seçki kampaniyası boyunca sabitlik, təhlükəsizlik sözlərini dəfələrlə işlətdi. Görünür, kifayət qədər seçici Ərdoğanın bu xəbərdarlıqlarını nəzərə aldı. AKP MHP-dən dəstək ala bilsə, konstitusiyanı dəyişdirməyə bəs edəcək 330 səsə sahib olacaq. Bu, Ərdoğanın ən böyük arzusunun gerçəkləşdirilməsi olacaq. Yəni Putin kimi səlahiyyətlərə malik bir status qazanacaq. Müxalifət bir zamanlar Ərdoğanı AKP-nin seçkidəki məğlubiyyətinə görə PKK ilə savaşı yenidən başlatmaqda günahlandırırdı. İndi o, üstünlüyündən istifadə edib, PKK-ya qarşı daha sərt addımlar ata bilər. Buna alternativ olaraq isə bir neçə ilə öncə başlatdığı sülh prosesini də gündəmə gətirə bilər. ABŞ isə bu sülh prosesinin reallaşdırılması üçün təzyiqlər edəcək".