Dünən beşinci çağırış Azərbaycan Milli Məclisinə seçkilər keçirilib.

Axar.az xəbər verir ki, ölkə üzrə 5 milyon 198 min 658 seçicidən 2 milyon 897 min 188 seçici səs verib, seçici fəallığı 55,7 faiz olub.

MSK sədri Məzahir Pənahov 5056 seçki məntəqəsinin (91 faiz) nəticələrinin artıq hazır olduğunu bildirib və hesablanan səslər əsasında Milli Məclisə seçkilərdə qalib gələn namizədlərin adları açıqlanıb.

MSK-nın təqdim etdiyi siyahıya əsasən, parlamentə 24 yeni millət vəkili daxil olub. Bunun əvəzinə 16 millət vəkili postu ilə vidalaşıb.

Axar.az parlamentdə iştirak etməyəcək millət vəkillərinin siyahısını təqdim dir:

6 saylı Culfa-Babək Seçki Dairəsi - Hacıyev İsmayıl Muxtar oğlu

15 saylı Yasamal birinci seçki Dairəsi - Hüseynov Etibar Əli oğlu

27 saylı Sabunçu ikinci Seçki Dairəsi – Salahzadə Qalib Aslan oğlu

37 saylı Nizami birinci (Gəncə) Seçki Dairəsi – Abbasov Aydın Abbas oğlu

41 saylı Sumqayıt birinci Seçki Dairəsi – Abdullayeva Leyla Arif qızı

57 saylı Kürdəmir Seçki Dairəsi – Qəribov Fərhad Həsən oğlu

62 saylı Saatlı Seçki Dairəsi – Əliyev Cəlal Əlirza oğlu

63 saylı Sabirabad birinci Seçki Dairəsi - Osmanlı Ceyhun Yunis oğlu

72 saylı Yardımlı –Masallı Seçki Dairəsindən Sabir Rüstəmxanlı

77 saylı Astara Seçki Dairəsi - Cəfərov Aslan Məmmədhüseyn oğlu

81 saylı Beyləqan Seçki Dairəsi - Orucov Ayaz İsmayıl oğlu

87 saylı Ağsu-İsmayıllı Seçki Dairəsi – Cavadov Ərəstun Nurəddin oğlu

91 saylı Ucar Seçki Dairəsi - Məmmədov Elton Arzuman oğlu

107 saylı Qazax Seçki Dairəsi - Vəliyev Əhməd Abdulkərim oğlu

121 saylı Laçın Seçki Dairəsi - Fərəcov Nazim Fərəc oğlu

Qeyd edək ki, 106 saylı Tovuz-Qazax-Ağstafa Seçki Dairəsindən millət vəkili olan İlyas İsmayılov rəqibi Ülviyyə Ağayevaya uduzub. Yuxarıda adı çəkilən deputatlar millət vəkilliyinə namizədliyini irəli sürməyib.