Ana səhifə Gündəm |
Sərkisyan administrasiyası nə qədər vurnuxsa da, çıxış yolu tapa bilmir. Hakim zümrə artıq uçrumun astanasındadır.
Bu barədə Axar.az-a politoloq Tofiq Abbasov deyib. Onun sözlərinə görə, xaricdən edilən köməklik və ianələr Ermənistandakı ağır vəziyyəti aradan qaldıra bilməyəcək:
"İrəvan hazırda iki məqama ümidlidir: Türkiyə ilə sərhədlərin açılmasına və Gürcüstan vasitəsilə Rusiyaya dəmir yolunun açılmasına. Birinci variantda Ankara qəti bildirib ki, Azərbaycan torpaqları qaytarılmasa, sərhədlər bağlı qalacaq. Buna görə də ikinci variantın reallaşması indi böyük müşkülə çevrilib. Əvvəla, Azərbaycan rəsmi Tiflisə qarşı sanksiyalar tətbiq edə bilər. Digər tərəfdən isə Abxaziyadan keçən dəmir yolu bərbad vəziyyətdədir və onu bərpa etməkdən ötrü külli miqdarda vəsait lazımdır. Moskva və Tiflisin bu qədər böyük maddi yükün altına girmək istəyəcəyini düşünmürəm. Odur ki, Ermənistanın ümidləri bu sarıdan da puç olur. Ona görə də İrəvan üçün ən əlverişli variant Azərbaycan torpaqlarından qoşununu çıxarıb sağlam qonşuluq siyasətinə qayıtmaqdır. Əgər Ermənistan buna könüllü getməsə, o zaman məcburi şəkildə getməli olacaq".
Tarix
2015.11.03 / 09:19
|
Müəllif
Aygün Yusibova
|