PKK terror təşkilatının Türkiyədəki ən əhəmiyyətli mövqelərindən olan və Hakkari vilayətinin Yüksekova mahalında yerləşən Buzlaq dağı bölgəsi terrorçulardan təmizlənib.

Publika.az xəbər verir ki, mehmetcik 2500-3500 metr yüksəklikdə həyata keçirilən əməliyyatda PKK-nın "alınmaz" adlandırdığı əraziyə daxil olub.

Əməliyyat zamanı 119 terrorçu öldürülüb, 6 əsgər şəhid olub. Əməliyyatda PKK-çıların dağlarda yerləşdirdikləri 5 "Doçka" zenit silahı başda olmaqla 39 ağır silah və bu silahlara aid on minlərlə sursat ələ keçirilib.

27 sentyabr 2015-ci il tarixində başlayan və 5 noyabrda başa çatan əməliyyata iki Komando Briqadası və xüsusi təyinatlılara aid birliklər iştirak edib. 40 gün davam edən əməliyyatda terrorçuların istifadə etdikləri sığınacaqlar və mağaraların hamısı istifadə olunmaz vəziyyətə gətirilib.