Dekabrın 2-dən 4-dək Parisdə Avropa Şurası Parlament Assambleyasının bərabərlik və qeyri-diskriminasiya, həmçinin mədəniyyət, elm, təhsil və media komitələrinin iclasları keçiriləcək.

Axar.az xəbər verir ki, iclaslarda Milli Məclisin Mədəniyyət komitəsinin sədri Rafael Hüseynov və deputat Sahibə Qafarova iştirak edəcək.

Tədbirlərdə Avropada antisemitizmə qarşı yeni mübarizə üsulları, dini azlıqlarda uşaq və ailə hüquqlarının müdafiəsi, demokratik vətəndaşlıq üçün bilik və bacarıqların artırılması, uşaqlar üçün təhsil və təlimin əhəmiyyəti, korrupsiyanın qarşısının alınmasına parlament nəzarəti: parlamentlərin media ilə əməkdaşlığı, sahibkarlıq hüququ, internetdə ifadə azadlığı və digər mövzularda müzakirələr aparılacaq.

Deputatlar gündəlikdəki məsələlər barədə çıxış edəcək, öz fikirlərini bildirəcəklər.