Ermənistanın kosmosa buraxdığı "Hayasat-1" yerli peykinin hər hansı funksionallığı və ya xüsusi təyinatı yoxdur.

Bunu Axar.az-a Azərbaycan İnternet Forumunun prezidenti Osman Gündüz deyib.

O bildirib ki, çəkisi 1 kiloqram olan peykin Ermənistan üçün heç bir faydası olmayacaq:

“Burada əsas diqqət çəkən məqam peykin yerli istehsal olmasıdır. Bu peyk vasitəsi ilə nə izləmə, nə də hər hansı müşahidə aparmaq olacaq”.

O.Gündüz əlavə edib ki, idarə edilməsi ermənilərdə olsa da, peyk heç bir əlavə və ya xüsusi imkanalara da malik deyil:

“Ermənilər bu peyki kosmosa buraxmaqla bir növ özlərinin qüvvə və potensiallarını test etmək istəyirlər. Buna görə də peykin idarə olunması Ermənistan tərəfindən həyata keçiriləcək”.

Məlumat üçün bildirək ki, dekabrın 1-i saat 21:00-da Kaliforniyada yerləşən “Vandenberq” bazasından Ermənistanın ilk yerli peyki olan “Hayasat-1” kosmosa buraxılıb. Peyk artıq Yerə siqnallar ötürür.