Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
22 Mart 2019


BANM Kamal Abdulla ilə görüş keçirdi

Ana səhifə Gündəm
12 Punto 14 Punto 16 Punto 18 Punto

Bakı Ali Neft Məktəbində (BANM) Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayevlə görüş keçirilib.

Bu barədə Trend-ə BANM-nin İctimaiyyətlə əlaqələr şöbəsindən məlumat verilib.

Bakı Ali Neft Məktəbində (BANM) Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayevin BANM-in professor-müəllim heyəti və tələbələri ilə görüşü və onun elmi redaktoru olduğu "Azərbaycan multikulturalizminin ədəbi-bədii qaynaqları" kitabının təqdimatı keçirilib. Tədbirdən öncə Ümummilli lider Heydər Əliyevin Ali Məktəbdəki büstü önünə gül dəstələri düzülüb.

Tədbiri giriş sözü ilə açan BANM-in rektoru Elmar Qasımov bildirdi ki, Azərbaycan Respublikasının Prezidenti İlham Əliyev 2016-cı ili "Multikulturalizm ili" elan edib Bu, olduqca əhəmiyyətli hadisədir, belə ki, müasir dövrdə bu, yalnız Azərbaycan üçün deyil, həm də beynəlxalq aləm üçün böyük əhəmiyyət kəsb edir. Azərbaycan Prezidentinin 2016-cı ili "Multikulturalizm ili" elan etməsinin dünya ictimaiyyətinə, dünyaya bir çağırış olduğunu deyən Elmar Qasımov ölkəmizdə müxtəlif dini konfessiyaların əsrlərdən bəri sərbəst və qarşılıqlı anlaşma şəraitində fəaliyyət göstərdiklərini, onların dilinə, dininə, mədəniyyətinə xalqımız tərəfindən daim yüksək qiymət verildiyini vurğulayıb. Bu sahədə böyük işlərin həyata keçirildiyini deyən rektor rəhbərlik etdiyi Ali Məktəbin bu istiqamətdəki fəaliyətindən danışıb. Azərbaycan Respublikasının Prezidenti yanında Bilik Fondu ilə birgə əməkdaşlıqda bir sıra tədbirlərin keçirildiyini nəzərə çatdıran Elmar Qasımov bunun davamlı olacağını deyib.

Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayev Azərbaycanın bilikli, savadlı gənclərinin üstünlük təşkil etdiyi Ali Məktəbdə olmaqdan məmnuluğunu ifadə edib. O, multikulturalizmin tarixindən və multikulturalizm siyasətinin meydana gəlməsindən danışaraq Azərbaycan multikulturalizminin inkişaf perspektivlərindən söz açıb. 2016-cı ilin Azərbaycanda "Multikulturalizm ili" elan olunduğunu multikulturalizmin Azərbaycanın dövlət siyasətinə və həyat tərzinə, tolerantlığın isə xalqımız üçün demokratik dəyərə çevrildiyinin göstəricisi olduğunu vurğulayıb.

O, Azərbaycan Respublikasının Prezidenti İlham Əliyevin Azərbaycanda multikulturalizm ənənələrinin qorunmasına yönəlmiş çoxşaxəli siyasətindən söz açıb. Multikulturalizm ənənələrinin formalaşması haqqında söz açan akademik Kamal Abdullayev multikulturalizm siyasətinin ölkəmizin demokratik inkişafının tərkib hissəsi olduğunu deyib.

O, bu sahədə Ümummilli lider Heydər Əliyevin xidmətləri barədə danışdı və bildirdi ki, Ümummilli lider Heydər Əliyevin təşəbbüsü ilə bu məsələ hüquqi sənədlərdə, o cümlədən Azərbaycan Respublikasının Konstitusiyasında əks olunub. Multikulturalizm siyasətinin əsasını təşkil edən tolerantlıq prinsipi Azərbaycan Konstitusiyasının bir sıra maddələrində aydın şəkildə təsbit edilib.

Dövlət müşaviri qeyd edib ki, multikulturalizm məna etibarilə çoxmədəniyyətlilik deməkdir, yəni çoxmədəniyyətli bir cəmiyyətdə bu çoxmədəniyyətliliyin daşıyıcılarının bir-birinin yanında normal şəkildə yaşaması deməkdir.

"Azərbaycan multikulturalizminin ədəbi-bədii qaynaqları" kitabı haqqında söz açan akademik Kamal Abdullayev bu kitabda klassik şair və yazıçılarımızın yaradıcılığının fərqli bir rakursda təqdim olunduğunu deyib. O bildirib ki, ədəbiyyatımıza multikultural dəyərlər istiqamətindən baxış onun əzəmətini müəyyənləşdirən təməl meyarlardan biridir.

Akademik Kamal Abdullayev bu nöqteyi-nəzərdən, təqdim olunan nəşrin müasir dövrdə öz aktuallığı ilə seçildiyini qeyd edib. O bildirdi ki, ərsəyə gətirilən bu kitab multikultural ənənələrin öyrənilmə cəhdidir.

Akademik Kamal Abdullayev kitabda orta əsrlərdən müasir dövrümüzə qədər olan ədəbi-bədii nümunələrdə multikultural dəyərlərin ifadəsinin təzahür formasının izah olunduğunu bildirib. O, Azərbaycan klassiklərinin əsərlərindəki multikulturalizm elementlərini izah edərək sözügedən nəşrdə bununla bağlı misallar göstərildiyini deyib.

Sonra akademik Kamal Abdullayev görüş iştirakçılarının, o cümlədən tələbələrin çoxsaylı suallarını cavablandırıb və müəllifi olduğu, o cümlədən redaktorluğu ilə çıxan müxtəlif kitabları Ali Məktəbin kitabxanasına və tələbələrə hədiyyə edib.

Rektor Elmar Qasımov akademik Kamal Abdullayevə BANM-in "Fəxri qonaq" diplomunu təqdim edib.

Tarix
2016.03.01 / 11:15
Müəllif
Axar.az
Şərhlər
loading...
Digər xəbərlər

Ukraynalılar gənc yumoristi prezident seçir?..

Əli Həsənovdan Nazarbayevin istefasına - Reaksiya

Lavrovun “nüvə savaşı” narahatlığının səbəbi

Nazarbayevin prezidentlikdən gedişi... - Ekspert

Mehriban Əliyeva Nazarbayevanı təbrik etdi

Yalnız bundan sonra Nikol konstruktiv mövqe tutacaq - Şərh

Tokayev prezidentdir, yoxsa əvəzedici? – Hüquqşünas

Ermənistanın işğalına son qoyulacağı təqdirdə... - Nazir

Cənubi Azərbaycanda Novruz belə qeyd ediləcək - Foto

Lotu Quli Əli İnsanov haqda qərar verməlidir…

KULT
<>
Xəbər xətti
 
Axar.az'da reklam Bağla
Reklam
Bize yazin Bağla