Müsavat Partiyasının Mərkəzi İcra Aparatının rəhbəri Arif Hacılı öz "feysbuk" statusunda Rəsul Quliyev və lalə Şövkətin ünvanına kəskin ifadələr işlədib.

"Axar.az" xəbər verir ki, A.Hacılı öz statusunda yazır:

"Biz zamanında çox güzəştlərə getdik. Xalqımızı naqis, bədbaxt hesab edib yadların köləsi olanlara bəzən özümüz bu güzəştlərə getməməyi mümkünsüz saydıq, bəzən də ictimai təzyiqə davam gətirə bilmədik. Amma heç zaman bu güzəştlərdən fayda görmədik.

Hələ Vaqif Hüseynov, Abbas Abbasov kimilərinin də sevdalıları onları bizə pərçimləmək xəyallarındadır. Bizə şübhəli keçmişi olan hay-küylü adların yox, real fayda gətirənlərin birliyi lazımdır. Vəziyyətdən faydalanmaq istəyənlər çoxdur. Real fəaliyyət vəziyyəti dəyişdirmək istəyənlərə, buna qadir olanlara istinad etməklə qurulacaq!"