Rusiya Prezidenti Vladimir Putinin Azərbaycana səfəri və Prezident İlham Əliyevlə görüşündən sonra növbəti müharibənin olacağı ilə bağlı səsləndirilən fikirlər əsassızdır.
Axar.az Globalinfo.az-a istinadən xəbər verir ki, bu sözləri Ermənistan parlamentinin keçmiş vitse-spikeri Eduard Şarmazanov deyib.
O, Ermənistanın geosiyasi və regional oyunçular arasında çəkişmə obyektinə çevrildiyini bildirib:
“Bütün bunlar Baş nazir Nikol Paşinyanın yarıtmaz siyasətinin nəticəsidir. O, ölkəni poliqona çevirib. Rusiya regionda mühüm oyunçudur. Vladimir Putinin Azərbaycan Prezidenti ilə görüşü son dərəcə təbiidir. Bəs Rusiya prezidenti Nikol Paşinyanla necə görüşüb danışacaq? İrəvan Roma Əsasnaməsini ratifikasiya edib, Putin ölkəmizə gələn kimi həbs olunacaq.
Ümumiyyətlə, növbəti müharibənin olacağını düşünmürəm. Sərhəddə müəyyən toqquşmalar ola bilər, amma geniş miqyas almayacaq”.
Xatırladaq ki, Rusiya Prezidenti Vladimir Putin avqustun 18-19-da Bakıda rəsmi səfərdə olub.