Türkiyənin “Titra” şirkətinin istehsal etdiyi “Alpin” pilotsuz uçuş aparatı ADEX-2024 5-ci Yubiley Azərbaycan Beynəlxalq Müdafiə sərgisində ilk dəfə nümayiş etdirilir.

Axar.az xəbər verir ki, bununla bağlı Trend-ə şirkətin nümayəndələri məlumat verib.

Bildirilib ki, “Alpin” pilotsuz uçuş aparatı müasir texnologiyalara əsaslanan çoxfunksiyalı bir platformadır:

“Bu aparat müxtəlif missiyalarda istifadə oluna bilən çeşidli faydalı yük seçimləri və üstün performans xüsusiyyətləri ilə təchiz olunub. “Alpin” pilotsuz uçuş aparatı EO/IR Kameraları (Elektron Optik/İnfraqırmızı), gecə və gündüz missiyaları üçün yüksək görüntüləmə, SAR Radar - hər hansı hava şəraitində dəqiq görüntü və hədəf aşkar etmə üçün radar sistemi ilə təchiz edilib. Bağlı yüklərin daşınması üçün qutulu yük sistemi mövcuddur. Bu sistemlər maksimum 200 kiloqrama qədər faydalı yük daşıya bilər”.

Məlumat verilib ki, PUA-nın uzunluğu 6.27 metr, hündürlüyü 2.47 metrdir:

“Havada qalma müddəti 9 saat və daha çox, yanacaq tipi benzin, 175 litr tutumludur. Bu pilotsuz uçuş aparatı hərbi, humanitar və kommersiya missiyaları üçün ideal bir seçimdir, çünki yüksək performanslı və geniş faydalı yükdaşıma imkanlarına malikdir”.