Xəbər verdiyimiz kimi, İkinci Ordu Korpusunun komandiri general-leytenant Mais Bərxudarov vəzifəsindən azad edilərək sərəncama götürülüb.

Axar.az Gununsesi.info-ya istinadla xəbər verir ki, 44 günlük Vətən Müharibəsindəki qalibiyyətimizin əsas simalarından biri olan Mais Bərxudarovun "vurulması" mediada şərti olaraq "Tərtər işi" adlandırılan faciəvi olayla əlaqələndirilib.

Belə ki, bu işlə bağlı Bakı Apellyasiya Məhkəməsindəki proseslərdə həm həbs edilənlər, həm də zərərçəkən kimi tanınanlar işgəncə göstərişlərində generalın adını hallandırıb.

Sayta açıqlamasında hazırda sərəncamda olduğunu deyən Mais Bərxudarov vəzifəsini itirməsini belə qiymətləndirib: "Heç bir məyusluğum yoxdur. Ola da bilməz. Qərar qəbul olunub. Mən də hazırda sərəncamdayam".

"Orduda yeni yüksək təyinat gözləyirsinizmi" sualına gəlincə, general-leytenant belə deyib: "Bu barədə məlumatsızam".