Elmi potensialın qorunub saxlanılması, gənc elmi və elmi-pedaqoji kadrların hazırlanması qarşımızda duran ən vacib məsələlərdəndir.

Axar.az xəbər verir ki, bunu doktorantların və gənc tədqiqatçıların respublika elmi konfransında Təhsil nazirinin müavini Ceyhun Bayramov bildirib.

Bu sahədə statistik göstəriciləri diqqətə çatdıran nazir müavini qeyd edib ki, ölkəmizdə fəlsəfə doktoru və elmlər doktoru proqramları üzrə 5.320 nəfər təhsil alır. Son illər doktorantura şəbəkəsi genişlənib. Hazırda 116 elmi təşkilatda və ali təhsıl müəssisələrində doktoranturalar fəaliyyət göstərir. Doktoranturada və dissertantlıq yolu ilə təhsil alanların 44 faizi elmi təşkilatların, 56 faizi isə ali təhsil müəssisələrinin payına düşür. 2000-ci illə müqayisədə doktorantların sayı dörd dəfədən çox artıb ki, bu da qəbul planının artımı ilə əlaqədardır.