Qənirə Paşayeva Polşada beynəlxalq qadın sammitində yüzlərlə tanınmış qadına Qarabağla bağlı səslənib və onları işğalçı Ermənistanın cinayətlərinə biganə qalmamağa çağırıb.

Axar.az xəbər verir ki, millət vəkili Azərbaycanın müstəqilliyini yenidən bərpa etməyə başladığı illərdə üzləşdiyi problemlərdən, Ermənistanın Azərbaycana qarşı işğalçılıq siyasətindən danışıb.

Ermənistanın işğal etdiyi Azərbaycan torpaqlarında törətdiyi vandalizm aktları barədə məlumatlar verən millət vəkili vurğulayıb ki, Ermənistan BMT Təhlükəsizlik Şurası da daxil olmaqla, beynəlxalq təşkilatların qətnamələrinə məhəl qoymur.

O, tədbirdə iştirak edən və dünyanın müxtəlif bölgələrindən gələn prezident, baş nazir, spiker, senator, millət vəkillərini Qarabağ probleminə geniş diqqət ayırmağa çağırıb.