Məşhur fizik Albert Eynşteynin həmkarı Devid Boma göndərdiyi məktublar Qüdsdə keçirilən hərracda 190 min dollara satılıb.

Kult.az xəbər verir ki, hərraca qoyulan məktubların mövzusu Allah, fizika və İsrail olub. 75 min dollara satılan ən bahalı məktub alimin Allah haqqında yazdığı olub:

“Allah dünyanı yaradarkən onu anlaşılan etmək barədə düşünməyib”, - Eynşteynin məktubunda deyilir.

Məktubların əksəriyyəti 1951-1954-ci il tarixləri arasında çap maşını ilə yazılıb. İsraillə bağlı məktubunda alim İsrailin intelluktual yaşadığını, maraqlı, lakin imkanlarının məhdud olduğunu yazıb.

Xatırladaq ki, ötən əsrin 50-ci illərinin əvvəllərində Albert Eynşteynə İsrail prezidenti olmaq təklif edilmişdi.