Bir neçə gün öncə Cəlilabadda keçmiş qohumların basqın etdiyi evdə daha bir bədbəxt olay yaşanıb.

ARB TV xəbər verir ki, rayonun Şükürlü kəndində Əbülfət Şəbiyevə məxsus evdə oğurluq hadisəsi qeydə alınıb.

Zərərçəkənin sözlərinə görə, həyətindəki mal-qaranı satdıqdan sonra 5 min manata yaxın pulu evin ikinci mərtəbəsindəki yatağın altına qoyub. Lakin səhəri gün pulu götürmək istədikdə onun yerində olmadığını görüb.

Əbülfət Şəbiyev (zərərçəkən): "Qohumlarda problem var idi. Başım ona qarışmışdı. Mal-qaranı satıb pulunu evə qoymuşdum. 5 min manat pul və qızıllar".

Məlum olub ki, pullar, eləcə də evdəki qızıl-zinət əşyaları oğurlanıb.

Faktla bağlı Cəlilabad rayon Polis şöbəsində araşdırma aparılır.