Kürdəmir rayonunda ağır yol qəzası baş verib.

Report-un məlumatına görə, hadisə Ağsu-Kürdəmir-Bəhrəmtəpə avtomobil yolunun rayonun Sorsor kəndi ərazisindən keçən hissəsində qeydə alınıb.

Belə ki, hərəkətdə olan avtomobil idarəetməni itirərək aşıb və daha sonra yanıb. Ölən və yaralananlar var.

Ölən şəxslər :

Abbasov Mirdamət Cami oğlu, 1997-ci il təvəllüdlü, İmişli rayonu

Rəhimova Naibə Kərim qızı, 1935-ci il təvəllüdlü, İmişli rayonu

Yaralananlar :

Abbasov Cami Cavad oğlu, 1965-ci il təvəllüdlü, İmişli rayonu

Abbasova Ülkər Akif qızı, 1971-ci il təvəllüdlü, İmişli rayonu

Abbasova Ləman Şamil qızı, 1976-cı il təvəllüdlü, İmişli rayonu

Yaralıların hər üçünün vəziyyəti orta-ağır olaraq qiymətləndirilir.

Faktla bağlı araşdırma aparılır.