Bir müddət öncə Axar.az-a şikayət edərək, dələduzluqla üzləşdiklərini və külli miqdarda pullarının mənimsənildiyini bildirən şikayətçilərin iddiası əsasında Fəxrəndə Səfərova tutulub.

Axar.az xəbər verir ki, sözügedən qadın kosmetik əşyaların satılması üçün ''İnşaatçılar'' metrostansiyası yaxınlığında mağaza açdığı barədə məlumat yayaraq, özünə şərik axtardığını bildirib. O, bu vasitə ilə 30-dan çox insanın pulunu mənimsəyib.

İşin istintaqını aparan müstəntiq Cavid Əhmədovun sözlərinə görə, Fəxrəndə Səfərova təxminən 35 nəfərə qarşı 480 min manatdan çox ziyan vurub. Amma polis zərərçəkənlərin artacağını da istisna etmir. Faktla bağlı cinayət işi başlanıb, istintaq davam edir.

Qeyd edək ki, bir müddət əvvəl ATV kanalında özünü reklam etdirməyi də bacaran F.Səfərovun dələduzluğu haqda şikayətçilərin açıqlamasını BURADAN oxuya bilərsiniz.