Avtobusda onlarla sərnişin aparan sürücü siqaret çəkir. Bu azmış kimi, o hərdən mobil telefonla da danışır. Araşdırma zamanı məlum oldu ki, kadrlar paytaxtda metronun "20 Yanvar" stansiyasından Müşfiqabad qəsəbəsinə sərnişin daşıyan 114 A saylı marşurut xəttində çəkilib.

Axar.az Xəzər Xəbər-ə istinadən bildirir ki, sürücünün sərnişinlərin həyatını təhlükəyə atmasına paytaxt sakinlərinin münasibəti birmənalıdır.

Məsələ ilə bağlı avtobusun aid olduğu daşıyıcı şirkətdən bildirildi ki, həmin sürücü işdən kənarlaşdırılacaq.

Bakı Nəqliyyat Agentliyindən isə məsələ ilə bağlı araşdırma aparılacağı və müvafiq tədbirlərin görüləcəyi deyildi.