Buenos-Ayresdəki kitab mağazasından kitab oğurluğunda ittiham olunan Meksikanın Argentinadakı səfiri Oskar Rikardo Valero ölkəsinə geri çağırılacaq.

Kult.az xəbər verir ki, bu barədə Meksika XİN rəhbəri Marselo Ebrard Tvitter səhifəsində yazıb.

“Ateneo” kitab mağazasının nəzarət kamerası 76 yaşlı diplomatın Cakomo Kazanovanın bioqrafiyasını qəzetin arasında gizlədərək oğurlamağa cəhd etdiyini qeydə alıb. Mühafizəçilər onu polis bölməsinə aparıblar və şəxsiyyətini müəyyən etdikdən sonra sərbəst buraxıblar. Videoyazının əsl olduğu dəqiqləşsə, səfir dərhal vəzifəsindən azad olunacaq”, - deyə Ebrard bildirib.

Qeyd edək ki, Valeronun mağazadan çıxarmağa çalışdığı kitabın qiyməti 750 Argentina pesosu (21 manat - red.) təşkil edir.