21:47

14 may 2020-ci il tarixində saat 16:35 radələrində bir saat ərzində İsmayıllı rayonunun Girdimançay-Qaranohur məntəqəsində güclü leysan yağış dolu ilə müşahidə edilib. Bir saat ərzində yağıntının miqdarı 42 mm olub.

Axar.az xəbər verir ki, bu barədə Milli Hidrometeorologiya Xidmətinin məlumatında deyilir.

Yağıntının miqdarı saat 20:00-da isə 49 mm təşkil edib. Nəticədə kənd təsərrüfatına və yollara ziyan dəyib. Çaydan sel keçib.

***

Bir neçə saat davam edən leysan yağışlarından sonra dağlardan gələn sel Şamaxı-Muğanlı-İsmayıllı yolunun Diyallı və Talıstan kəndləri ərazisindən keçən hissəsində nəqliyyatın hərəkətində çətinlik yaradıb.

Magistral yoldakı su ötürücüləri lil və çöküntülərlə dolduğu üçün yolu sel basıb. Sel-sularının dağlardan gətirdiyi iri daşlar, ağac kötükləri və lil qatı yolun bağlanmasına səbəb olub.

Nəticədə Bakı-Şamaxı-İsmayıllı-Qəbələ-Şəki istiqamətində və geriyə hərəkət edən yüzlərlə avtomobil yolda qalıb. Sel-suları bəzi ərazilərdə avtomobillərin içərisinə də dolub. Hazırda İsmayıllı rayon yol-istismar idarəsinin texnikası əraziyə cəlb olunub, yolun açılması və nəqliyyatın hərəkətinin bərpası üçün tədbirlər görülür.