00:07

Bakı-Qazax avtomobil yolunda qəza zamanı 3 nəfər ölüb.

Axar.az xəbər verir ki, yol nəqliyyat hadisəsi gecə saatlarında magistral yolun Ağdaşın Ləki qəsəbəsindən keçən hissəsində qeydə alınıb. Hadisə şahidlərinin sözlərinə görə, 3 yük avtomobilinin toqquşması nəticəsində 3 nəfər ölüb.

Faktla bağlı araşdırma aparılır.

***

Martın 16-da saat 22 radələrində Ağdaş rayonunun Ləki qəsəbəsi ərazisində 2 “Ford” və 1 “Mersedes” markalı yük avtomobillərinin iştirakı ilə yol-nəqliyyat hadisəsi baş verib.

Daxili İşlər Nazirliyinin Mətbuat Xidmətindən bildirilib ki, hadisə nəticəsində 3 nəfər - Rəşad Ədalət oğlu Əliyev, Yasin Sədiyar oğlu Ağammədov və Yaşar Maarif oğlu Qarayev aldıqları xəsarətlərdən ölüblər.

Araşdırma aparılır.