Keçidimə sevinirəm. Mənim üçün yaxşı seçimdir, bu mütəmadi olaraq oynamaq və öz komandama fayda vermək üçün bir fürsətdir. Mən "Trabzonspor"un slovakiyalı legionerləri Matuş Bero və Yan Dürits ilə danışdım və onlar məni inandırdılar ki, "Jilina“ böyük klubdur və mənə uyğundur. Burada mütəmadi oynayacağımı düşünürəm.

Qol.az-ın məlumatına görə, bu sözləri "Trabzonspor"un "Jilina"ya icarəyə göndərdiyi millimizin futbolçusu Ramil Şeydayev Slovakiya klubunun saytına deyib.

O, yeni komandası ilə həm çempionatda, həm də avrokuboklarda qələbə qazana biləcəyinə ümid etdiyini bildirib: "İlk təəssüratlarım çox yaxşıdır. Yeni klubda oynamağa başlamaq imkanımı səbrsizliklə gözləyirəm".

Qeyd edək ki, R.Şeydayev 2018-cı ilin iyununa kimi "Jilina"da icarə əsasında çıxış edəcək.