13:28

Rəşad Sadıqovun Azərbaycanın U-21 milli komandasına yeni baş məşqçi təyin olunması ilə bağlı bizdə heç bir rəsmi məlumat yoxdur.

Bunu Axar.az-a açıqlamasında AFFA-nın İnformasiya və İctimaiyyətlə Əlaqələr Departamentinin rəhbəri Firuz Abdulla söyləyib. O bildirib ki, adətən hər hansı vəzifə təyinatı baş verəndə AFFA-nın saytı vasitəsilə məlumat ictimaiyyətə çatdırılır.

Qeyd edək ki, bundan öncə Sport24.az saytı “Qarabağ”ın kapitanı və bu klubun U-19 komandasının baş məşqçisi Rəşad Sadıqovun Azərbaycanın U-21 milli komandasına yeni baş məşqçi təyin olunacağını və qərarın sabah rəsmən açıqlanacağını yazıb.