Bu gün Çempionlar Liqasının II təsnifat mərhələsinin cavab oyunlarına start verilib.

Turnirdə yeganə təmsilçimiz "Qarabağ" da bu gün meydana çıxıb.

Qurban Qurbanovun komandası doğma meydanda Maltanın "Valletta" klubu ilə qarşılaşıb. Səfərdə keçirilən ilk oyunda 1:0 hesabı ilə qalib gələn "Qarabağ" cavab oyununa üstün durumda çıxıb. Ağdam təmsilçisinə növbəti mərhələyə yüksəlmək üçün istənilən hesablı heç-heçə də sərf edirdi. Bu görüşdə "Qarabağ" rəqibini darmadağınla qalib gələrək növbəti mərhələyə yüksəlib - 4:0.

Qeyd edək ki, "Qarabağ"ın üçüncü təsnifat mərhələsindəki rəqibi Avstriyanın "Zalsburq" klubu olacaq. Bu komandalar arasında ilk oyunun iyunun 30-da baş tutacaq.

Qol.Az