Ana səhifə İdman |
"Ferrari" markasının Formula 1 komandasının keçmiş başqanı Luca de Montezemolo ispan pilot Fernando Alonsonun gələn sezon komandadan gedəcəyi barədə yayılan iddialarını təsdiqləyib.
Axar.az xəbər verir ki, 1991-ci ildən başladığı işinə bu ilin sentyabrında son qoyulan Montezemolo "Red Bull-Renault" komandası ilə 4 dəfə dünya çempionu olmuş Sebastian Vettelin komandasından gedəcəyini açıqlayandan sonra, italyan RAİ televiziyasına Fernando Alonsonun da "Ferrari"dən gedəcəyi haqqında açıqlama verib.
De Montezemolo 5 ildir "Ferrari"də yarışan 2005 və 2006 çempionu F.Alonsonun uduzduğu üçün narahat olduğunu bildirərək belə açıqlama verib: "Yarış pilotları bəzən yeni motivasiyaya, yeni bir iş mühitinə və özündə ruh yüksəkliyi yaradacaq yeni şeylərə ehtiyac duyurlar. Alonso "Ferrari"dən gedəcək. Bunun iki səbəbi var: Birinci, fərqli mühitdə işləmək və yeni motivasiya istəməsi, ikincisi isə yenidən çempion olmaq üçün uzun müddət gözləyə bilməyəcək yaşda olmasıdır".
De Montezemolo 2007-ci ildən bəri çempionluğa həsrət qalan "Ferrari"nin bu mövsümü çıxmaqla həmişə çempionluq üçün yarışdığını deyib: "Son 15 ildə ən çox çempion olan komanda "Ferrari"dir. 6 ildir çempion ola bilmədiyimiz doğrudur, amma iki çempionluğun son yarışda itirildiyini də unutmamaq lazımdır".
Qeyd edək ki, Alonso hələ qərarını vermdəyini desə də, ispan sürücünün 2015-ci ildə Formula 1-ə bir illik ara verib 2016-cı ildə "Mersedes" komandasına getməsi ehtimallarının olduğu düşünülür.
Tarix
2014.10.17 / 02:40
|
Müəllif
Nilufər Muğantürk
|