Axar.az
Yuxarı

Axar.Az Logo

Jurnalistlərin “Qarabağ” üçün xoşniyyətli səfər - Müəmması

Ana səhifə İdman
12 Punto 14 Punto 16 Punto 18 Punto

Bir qrup azərbaycanlı jurnalist Ukraynaya yola düşüb.

Axar.az-ın əldə etdiyi məlumata görə, media nümayəndələri Avropa Liqasının qrup mərhələsində çıxış edən "Qarabağ" klubuna "Dnepr"lə qarşılaşmada dəstək verəcəklər.

Xəbər portallarında gedən məlumat ondan ibarətdir ki, Kiyevə səfər edən 15 nəfərlik heyət (onların kimliyi açıqlanmır) oktyabrın 20-də qatarla Bakıdan Tiflisə, oradan isə təyyarə ilə Kiyevə yola düşəcək.

Oktyabrın 23-də keçiriləcək qarşılaşmadan öncə jurnalistlər "Olimpiyski" stadionuna dostluq yürüşü edəcəklər. Təşkilatçıların verdiyi məluamata görə, Kiyevə yollanacaq heyətdə idman jurnalistləri deyil, ictimai-siyasi informasiya portalları, agentlik və qəzet təmsilçiləri təmsil olunacaq.

Baş redaktor və redaktorların da daxil olduğu qrup Azərbaycanın faciələrinə və Qarabağ probleminə diqqət çəkəcək müxtəlif aksiyalar təşkil edəcəklər. Jurnalistlərin Kiyevə səfərini "Azərsun" brendi olan "Azərçay" və "Akkord" Sənaye Tikinti İnvestisiya Korporasiyası maliyyələşdirir.

***

Lakin bu səfərlə bağlı ziddiyyətli məqam həm gediş tarixi, həm də sponsorla bağlıdır. Belə ki, Feysbuk şəbəkəsində medianın Kiyev səfəri haqda dəvət səhifəsində - "İmarət Tayfa" – heyətin oktyabrın 17-si, saat 21:50-də Bakıdan qatarla yola çıxacağı qeyd olunub:

"19 oktyabr saat 21:00-da qatar Xarkov Vağzalında dayanacaq. Bakıdan Kiyevə qatar getmədiyi üçün Xarkova enəcəyik. İmarətin Ukraynadakı nümayəndələri bizi Xarkovda qarşılayaraq, Kiyev yolunun üzərində, Xarkovdan 2 saatlıq məsafədə olan Poltava şəhərinə aparacaq. Poltavada 3 gün kirayə evdə qaldıqdan sonra 23 oktyabr səhər saat 07:00-da Kiyevə yola düşəcəyik. Saat 10:00-da Kiyevə çatacağıq. Oyun bitdikdən sonra geri (Poltavaya) qayıdacağıq. Və 24 oktyabr (saat bəlli deyil hələlik) Xarkov-Bakı reysi ilə Bakıya dönəcəyik".

Təşkilatçılar kimi adları qeyd olunan Cəsur Nağı Ağdamski və Elvin İbrahimov adından yazılıb ki, səfər xərcləri bunlardır: "Bakı - Xarkov (gediş-dönüş) 180 manat, Xarkov - Poltava - Kiyev (gediş-dönüş) 30 manat, xərclik minimum 50 manat. Toplam 260 manat edir. Hər kəs qərarını 10 oktyabra qədər verməlidir. 10 oktyabr görüş olacaq, biletlər alınacaq. Heç kəs bileti fərdi şəkildə almamalıdır. Çünki biletlər hamısı eyni plaskart vaqona alınacaq".

***

Beləliklə, məlum olur ki, jurnalistlər oktyabrın 17-də yola düşüb. Üstəlik, onların səfərini heç də adıçəkilən şirkətlər maliyyələşdirmir. İstənilən media nümayəndəsi öz hesabına Kiyevə gedə bilər.

"Qarabağ" mətbuat xidmətinin rəhbəri Nurlan İbrahimov da Axar.az-a açıqlamasında jurnalistlərin artıq yola düşdüyünü təsdiqlədi.

Onun sözlərinə görə, medianın bu səfərindən Feysbuk sosial şəbəkəsində xəbər tutublar:

"Biz də sizin kimi Feysbukdan görmüşük ki, bir qrup jurnalist gedir. Ancaq "Qarabağ" klubu tərəfindən heç bir təşkilatçılıq olunmayıb. Mən eşitdiyimə görə, "Azərçay" onların səfər xərclərini ödəyir. Deyəsən, artıq onlar gediblər, dəqiq təfərrüatı bilmirəm".

***

"Qarabağ" sözçüsü də təsdiqləyir ki, onlar gediblər və əgər yola düşüblərsə, deməli, dəvət səhifəsində olduğu kimi öz vəsaiti hesabına gediblər. Maraqlıdır ki, "Dnepr" matçına idman jurnalistləri getməyiblər. Yalnız ictimai-siyasi portalların nümayəndələri yola düşüb.

Digər maraqlı məqam isə jurnalistlərin keçirəcəyi aksiyalarla bağlıdır. Əgər Poltavada kirayə tutulan evdə 3 gün qalacaqsa, heyət Azıərbaycan adına aksiyaları harda və necə keçirəcək? Feysbukda yaradılan "event"də gediş-gəliş saatları dəqiqliyinə qədər göstərilsə də, nədənsə Azərbaycan həqiqətləri - Qarabağ probleminə diqqət çəkəcək aksiyaların çeşidi, keçiriləcəyi yer və vaxt göstərilməyib.

Bütün hallarda, bu müəmmalı, amma xoşniyyətli səfərdə həmkarlarımıza və "Qarabağ"a uğurlar arzulayırıq.

Tarix
2014.10.18 / 14:40
Müəllif
Emin Aslanlı
Şərhlər
Digər xəbərlər

Millimiz Ermənistan yığması ilə üz-üzə gələcək?

Açılış matçı: Ankara təmsilçisi qonaqlarla bacarmadı

"Qarabağ"ın matçında 6 qol vuruldu

Fransa bu səhvinə görə Azərbaycandan üzr istədi

"Beşiktaş"dan çətin, "Başakşəhər"dən inamlı qələbə

Cüdoçularımız Dohada iki medal qazandı

"Qarabağ" əsgərlərin istəyini reallaşdırdı

Formula-1-in təqvimi dəyişdi

Bakıda keçirilməli olan dünya kuboku ləğv olundu

"Qalatasaray"ın ulduzuna 6 oyunluq cəza verildi - Səbəb

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla