Axar.az
Yuxarı

Millimiz Tehranda dünya çempionu oldu

Ana səhifə İdman
12 Punto 14 Punto 16 Punto 18 Punto

Azərbaycan güləşçiləri növbəti tarixi uğura imza atıblar. Azərbaycan millisi Tehranda keçirilən yunan-Roma güləşi üzrə dünya kuboku yarışlarında qızıl medal qazanıb.

AzərTAc xəbər verir ki, Azərbaycan yığmasının Rusiya millisi ilə final görüşü 4:4 hesabı ilə başa çatıb. Həlledici görüşdə güləşçilərimizdən Həsən Əliyev (66 kq), Rəsul Çunayev (71 kq), Rafiq Hüseynov (80 kq) və İslam Abbasov (85 kq) xalçadan qalib ayrılıblar. Hesab bərabər olsa da, Azərbaycan güləşçiləri xalların keyfiyyətinə görə (18:17) qələbəyə layiq görülüb. Millimizin birinci yerə layiq görülməsində güləşçimiz İslam Abbasovun rəqibini vaxtından əvvəl təmiz qələbə ilə məğlub etməsi də böyük rol oynayıb.

Beləliklə, yunan-Roma güləşi üzrə milli komandamız tarixi ərzində ilk dəfə dünya kubokuna sahib olub.

Turnirdə "B" qrupunda mübarizə aparan millimiz ilk olaraq yerli İran idmançıları ilə qarşılaşıb və pəhləvanlarımız gərgin keçən görüşü 6:2 hesablı qələbə ilə başa vurublar. Ardınca Almaniya və İsveç komandalarını 7:1 hesabı ilə məğlub edən yığmamız qrup mərhələsini lider kimi tamamlayıb.

Bürünc medallar uğrunda görüşdə isə Türkiyə millisinə qalib gələn İran yığması üçüncü pillədə qərarlaşıb. Beşinci yer uğrunda görüşdə Macarıstan İsveç millisinə qalib gəlib. Almaniya güləşçilərinə məğlub olan Ermənistan yığması isə dünya kuboku yarışlarını sonuncu pillədə başa vurub.

Tarix
2015.02.20 / 20:49
Müəllif
Axar.az
Şərhlər
Digər xəbərlər

"Trabzonspor" Ankarada sevindi

Gimnastlarımız Avropa çempionatında ilk medalını qazandı

Dopinqlə mübarizə haqqında qanun imzalandı

Qurbanov məğlubiyyəti şərh etdi: Belə hallar olur

"Qarabağ" "Sivasspor"la bacarmadı

Gimnastlarımız Avropa çempionatının finalında

Millimiz FİFA reytinqində 5 pillə irəlilədi

"Qarabağ" klubu UEFA-nın qərarına etiraz edəcək

Nurlan İbrahimov futboldan ömürlük kənarlaşdırıldı

Məmmədov TFF prezidenti ilə görüşdü - Foto

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla