"Real Madrid"in portuqaliyalı ulduzu Kriştiano Ronaldo uğurlarının səbəbini açıqlayıb.

Axar.az xəbər verir ki, uşaq vaxtlarında insanların onun uğur qazanacağına qətiyyən inanmadığını deyən dünya ulduzu bu tənqidlərdən ibrət götürdüyünü gizlətməyib:

"Çox çalışmaq məcburiyyətindəsiniz. Mən hər gün bunu edirəm. Bunun sayəsində illərdir formadayam və klubumun aparıcı oyunçusuyam. Bu bir təsadüf deyil. Yeniyetmə olanda insanlar "Kriştiano, sən çox istedadlısan, amma sısqasan", - deyirdilər. Mən də beynimə yeritdim ki, bədənimi inkişaf etdirməliyəm. Özümü buna inandırdım. Nəticədə hər şey istədiyim kimi oldu".

Xatırladaq ki, Ronaldo ötən mövsüm 54 matçda 61 qol vuraraq yeni rekorda imza atıb.