Bakı gələcəkdə Olimpiya Oyunlarını qəbul edə bilər.

Bunu Trend-ə idman gimnastikası üzrə Dünya Kubokunda iştirak etmək üçün Azərbaycana gəlmiş braziliyalı idmançılarla görüşən Braziliyanın Azərbaycandakı səfiri Santyaqo Alkasar deyib.

Onun sözlərinə görə, I Avropa Oyunlarında Milli Gimnastika Arenasında artıq olub: "Bu arena fantastikdir. Hər şey ən yüksək səviyyədə və çox gözəl təşkil edilib. Publika tribunalarda çox fəal azarkeşlik edir".

Diplomat qeyd edib ki, Riodakı Olimpiadaya hazırlığın yekun mərhələsi gedir: "O, möhtəşəm olacaq və hesab edirəm ki, Bakı gələcəkdə Olimpiya Oyunlarını qəbul edə bilər. Bunun üçün zəruri infrastruktur yaradılıb, obyektlər tikilib".

O, braziliyalı gimnast Flaviya Lopes Sarayvanın çıxışına heyran qaldığını vurğulayıb: "O, fenomenal çıxış nümayiş etdirdi. Onun 16 yaşı var və onu möhtəşəm gələcək gözləyir".