Ana səhifə İdman |
2023-cü ilin yanvarında "Qarabağ"ı "Krasnodar"a dəyişən Kadi Borgesin dönüşü hələ də sual altındadır.
Axar.az Sportinfo-ya istinadən xəbər verir ki, "köhlən atlar" Rusiya klubuna rəsmi təklif göndərib, braziliyalı legionerin özü də Azərbaycana qayıtmağa razılıq verib.
27 yaşlı vinger Ağdam təmsilçisinin 3 illik müqavilə təklifinə razılaşıb. "Krasnodar"ın baş məşqçisi Murad Musayev də bu transferin gerçəkləşməsinə etiraz etməyib.
Problem təzminatla bağlıdır. "Krasnodar" yeni mövsümün hazırlıqlarına bir müddət əvvəl başlayıb. Kadi isə toplanışa qatılmayıb və iki klub arasında danışıqların necə yekunlaşmasını gözləyir. Ruslar gərək maliyyə şərtlərində güzəştə getsin ki, cənubi amerikalı təkrar "Qarabağ"a dönə bilsin.
Onu 5 milyon avro qarşılığında sıralarına qatmış "Krasnodar" indi bu məbləğin yarısını geri istəyir.
Tarix
2024.07.05 / 19:14
|
Müəllif
Axar.az
|