13:02

Bu gün futbol üzrə Azərbaycan yığması UEFA Millətlər Liqasında növbəti oyununu keçirəcək.

Axar.az xəbər verir ki, Fernandu Santuşun rəhbərlik etdiyi kollektiv səfərdə Slovakiyanın qonağı olacaq. Matçın start fiti Bakı vaxtı ilə saat 20:00-da səslənəcək.

Görüşü polşalı FİFA referisi Damian Silvestrjak idarə edəcək.

Qeyd edək ki, Azərbaycan yığması ilk görüşdə doğma meydanda İsveç seçməsinə məğlub olub- 1:3.

***

Bu gün UEFA Millətlər Liqasında üz-üzə gələcək Slovakiya və Azərbaycan yığmalarının start heyətləri açıqlanıb.

Milli komandalar meydana aşağıdakı "11-lik"lə çıxacaqlar:

Azərbaycan: Mehdi Cənnətov, Rahil Məmmədov, Bədavi Hüseynov, Amin Seydiyev, Elvin Cəfərquliyev, Elvin Camalov, Aleksey İsaev, Emil Mustafayev, Toral Bayramov, Ozancan Kökçü, Renat Dadaşov.

Slovakiya: Martin Dubravka, Norbert Diomber, Milan Skriniar, Adam Obert, David Qancko, Stanislav Lobotka, Ondrey Duda, Juray Kutska, Tomas Suslov, Lukas Garaslin, David Strelec.

Qeyd edək ki, Koşitse şəhərindəki “Koşitse Futbol Arenası”nda təşkil olunacaq görüş Bakı vaxtı ilə saat 20:00-da start götürəcək.

***

Azərbaycan yığması UEFA Millətlər Liqasınının oyununda Slovakiyaya məğlub olub.

Fernandu Santuşun baş məşqçisi olduğu kollektiv səfərdə rəqibindən 2 cavabsız qol buraxıb.

Koşitse şəhərindəki “Koşitse Futbol Arenası”nda keçirilən qarşılaşmanın 22-ci dəqiqəsində Ondrey Duda, 4 dəqiqə sonrasında isə David Strelets fərqlənib.

Qeyd edək ki, milli komandamız C Liqasının I qrupunun ilk görüşündə İsveçə 1:3 hesabı ilə uduzmuşdu.