“Sumqayıt” heyətini yeni oyunçu ilə gücləndirib.

Klubdan Axar.az-a verilən məlumata görə, “kimyaçılar” son olaraq Boliviyanın “Quabira” klubunda çıxış etmiş Dominikan Respublikası millisinin futbolçusu Ronaldo Vaskez Junior ilə 1,5 illik müqavilə imzalayıb. 25 yaşlı yarımmüdafiəçi yeni komandasında 23 nömrəli formanı geyinəcək.

Qeyd edək ki, Ronaldo Junior karyerası boyunca yetirməsi olduğu “Atletiko Pantoxa” (Dominikan Respublikası) ilə yanaşı “Hapoel” (Təl-Əviv, İsrail) və “Quabira” (Boliviya) klublarında da çıxış edib. O, 41 dəfə formasını geyindiyi Dominikan Respublikasının milli komandasında 6 qol vurmağa da müvəffəq olub.