Axar.az
Yuxarı

Axar.Az Logo

"Urbanizasiya hələ davam edəcək"

Ana səhifə İqtisadiyyat
12 Punto 14 Punto 16 Punto 18 Punto

"Azərbaycanda urbanizasiya hələ başa çatmayıb".

Axar.az xəbər verir ki, bu açıqlama ilə REAL hərəkatının İcra katibi Natiq Cəfərli öz Feysbuk səhifəsində çıxış edib.

O, paytaxtın seçilməsinə xüsusi diqqət ayrılmalı olduğunu deyib:

"Ölkəmizin paytaxtının köçürülməsi, Bakının yeni inkişaf planı məsələsi yenə aktuallaşıb. Açığı, çoxdan həll olunmalı məsələdir, amma fərqli yanaşma lazımdır. Paytaxtın köçürülməsi məsələsi çox aktual məsələ olması ilə yanaşı çox problemli məsələdir. Elə bir yer seçilməlidir ki, həm təhlükəsizlik nöqteyi-nəzərindən, həm də infrastruktur yaradılması nəzərindən Azərbaycanın gələcəkdə heç bir problem yaşanması ehtimalı olmasın. Düşünürəm ki, paytaxtın köçürülməsindən daha çox böyük bir plan tərtib etməklə, Azərbaycanın bir neçə regionunda cazibəli şəhərlər yaratmaq ideyası da məqsəduyğun ola bilər. Şəki, Quba, Lənkəran, Gəncə kimi Azərbaycanın tarixi şəhərləri regional cazibə mərkəzlərinə çevrilə bilər. Bununla da insanların tək Bakıya deyil, həm də həmin şəhərlərə axın etməsini təmin etmək olar. Çünki Azərbaycanda urbanizasiya hələ başa çatmayıb. Azərbaycan əhalisinin rəsmi məlumatlarına görə 42%-nə yaxını kənd və rayon yerlərində yaşayır. Bu isə müasir zaman üçün çox böyük rəqəmdir. Müasir ölkələrdə bu rəqəm 15% ətrafında dəyişir. Urbanizasiya Azərbaycanda hələ ki, davam edəcək".

N.Cəfərli bir sıra obyektləri rayonlara köçürməklə ölkədə canlamanı bərpa etməyin mümkün olacağını bildirib:

"Əslində Azərbaycanın bəzi şəhərlərinə böyük universitetləri köçürməklə, yenidən canlanmasına təkan vermək olar. Bunun özü iqtisadiyyata çox böyük təsir edə bilər. Eyni zamanda, məsələn, Konstitusiya Məhkəməsini bir tarixi şəhərə, Ali Məhkəməni digər tarixi şəhərə, Nazirlikləri də bu cür şəhərlərə köçürmək olar. Bu həmin şəhərləri daha cazibəli bir vəziyyətə gətirə bilər. Həmin şəhərlərə xüsusi diqqətin ayrılması və güzəştlər paketi ilə təmin olunması da insanları çox ciddi formada cəlb edə bilər. Paytaxtın köçürülməsi həddindən artıq çox maliyyə vəsaiti tələb edən bir layihədir. Digər tərəfdən çox ciddi riskləri də özündə saxlayır. Bu baxımdan düşünürəm ki, bu məsələdə yeni şəhərlərin salınması və ya paytaxtın köçürülməsindən, tarixi şəhərlərin üzərinə yatırımlar etməklə onları cazibə mərkəzinə çevirmək daha əlverişlidir. "REAL"ın proqram sənədlərində məhz belə yanaşma qeyd edilib və əsaslandırılıb".

Tarix
2014.10.12 / 16:59
Müəllif
İlkin Həsənov
Şərhlər
Digər xəbərlər

SOCAR yeni dövrə qədəm qoyacaq - Cabbarov

Tikinti ilə bağlı qərar: 3 il müddətinə uzadıldı

ABŞ şirkətləri Qarabağın bərpasında iştirak edə bilər

Bu sahə özəlləşir: proseslə bağlı təklif

İndiyədək qeydə alınan ən yüksək göstərici... - Nazir

Neft bahalaşdı

Dolların bu günə olan məzənnəsi

BVF hesabat yaydı: Neft bahalaşacaq...

Qızıl və gümüşün satışı vergidən azad olunur

Ordumuzun zəfər yürüşünün maliyyələşdirilməsi... - Nazir

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla