Astana "Qaztransqaz-Tiflis" şirkətini Rusiyaya sata bilər.

Axar.az xəbər verir ki, bu iddia ilə "Szona.org" saytı çıxış edib.

Sayt artıq hakimiyyətin müxtəlif biznesmenlərlə müzakirələr aparılması barədə məlumatlandırıldığını deyib. Onların içərisində Rusiyadan olan şirkətlərlə yanaşı, gürcü biznesmenləri də var. Əvvəllər bu siyahıda SOCAR-ın adı olsa da, sonradan buradan çıxarılıb. Buna səbəb isə Qazaxıstan şirkətinin Azərbaycanın Gürcüstanda monopoliyasını daha da gücləndirmək istəməməsi olub. Üstəlik, Tiflisdəki Qaribaşvili hökuməti də bu asılılığı, nisbətən də olsa, aradan qaldırmaq niyyətindədir. Qazaxlar isə SOCAR-dan asılı duruma düşməməkdən ötrü hətta öz qazlarını Gürcüstandan birbaşa Rusiya ərazisinə ötürmək istəyirlər. Sayt məhz buna görə Qazaxıstan dövlət şirkətini Rusiyanın kampaniyalarından birinin alacağını bildirib. "Qazaxıstan bunun vasitəsilə Azərbaycanın bölgədəki monopoliyasına Rusiya vasitəsilə son qoymaq istəyir", - saytın iddiasında vurğulanır.