Rusiya hakimiyyəti iqtisadi böhranı müzakirə edib.

Axar.az xəbər verir ki, keçirilən müşavirədə kapitallarla bağlı nəzarətin gücləndirilməsi gözlənilsə də, bu baş verməyib. Rusiyanın Baş naziri Dmitri Medvedyevin rəhbərliyi altında keçirilən müşavirədə kapitalların hərəkətinə nəzarətin tətbiqi gündəmə gətirilməyib. Bu barədə Rusiyanın İqtisadi İnkişaf naziri Aleksey Ulyukayev bildirib.

Onun sözlərinə görə, görüşdə vəziyyətin sabitləşməsi üzrə müəyyən ölçülər hazırlanıb. Daxili valyuta bazarında tələbat və təkliflərin balansını təmin etmək üçün maliyyələşdirilməyə yenidən baxılacaq.

Ulyukayev həmçinin bildirib ki, Rusiya bankı üçün əsas payı qaldırmaq lazımdır. Bununla rublun düşməsini yubatmaq üçün cəhd ediləcək.

Qeyd edək ki, dünya bazarında qara qızılın sürətlə ucuzlaşması, Ukraynadakı böhran, Qərbin Rusiyaya tətbiq etdiyi iqtisadi sanksiyalar milli valyuta olan rublun dəyərini itirməsinə səbəb olub.