Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 Oktyabr 2019


Dünya yeni neft şokuna hazırlaşmalıdır – Ekspert

Ana səhifə İqtisadiyyat
12 Punto 14 Punto 16 Punto 18 Punto

Neftin dünya bazarında qiyməti son 8 ayda ən aşağı səviyyəyə düşüb. “Brent” markalı neftin 1 barrelinin qiyməti artıq 59 dollardan ucuz satılır.

Axar.az xəbər verir ki, bu sözləri iqtisadçı alim Vüqar Bayramov bildirib. Ekspert neftin qiymətinin düşməsinin gözlənilən olduğunu deyib:

“ABŞ-ın sentyabrdan etibarən daha 300 milyard dollarlıq Çin məhsuluna əlavə 10 faiz idxal vergisi tətbiq etmək istəyi ticarət müharibəsində yeni mərhələ başlatdı. Ticarət müharibəsinin genişlənməsi qlobal iqtisadi artım tempini aşağı salaraq, neftə olan tələbi azaldır. Digər tərəfdən, qlobal iqtisadi gərginliyin artması fonunda Çinin İran neftinin idxalını bərpa edəcəyi də müzakirə mövzusudur. Bu baş verəcəyi halda neftin 1 barrelinin qiyməti 30 dollaradək azala bilər.

Neftin dünya bazar qiymətində kəskin enişlər olarsa, ölkəmizə daxil olan valyutanın həcmi yenidən azalacaq. Azərbaycan ixracatının 90 faizinin enerji məhsulları olduğunu nəzərə alsaq, “qara qızılın” qiymətinin ölkəyə daxil olan valyutanın həcminə təsirlərini müəyyənləşdirmək çətin olmaz”.

Ekspert əlavə edib ki, neftin bir barrelinin qiyməti 2019-cu ilin dövlət büdcəsində 60 dollar nəzərdə tutulub. Mərkəzi Bank üçün isə 50 dollardan aşağı neft qiyməti “qırmızı zonaya” daxil olmaq anlamına gəlir:

“Çin valyutası ilə yanaşı, Rusiya rublu da mövqeyini qoruyub saxlamaqda çətinlik çəkir. Göründüyü kimi, qlobal və regional valyuta bazarında da volatillik yüksək olaraq qalır. Bu baxımdan neftin qiymətində azalmalar davam edərsə, ölkəmizdə də dollara tələb yüksələcək. Təbii ki, bu halda məzənnənin necə dəyişməsi yenə də Mərkəzi Bankdan asılı olacaq. Amma bütün hallarda neft ölkələri yeni neft şokuna indidən hazırlaşmalıdırlar”.

Tarix
2019.08.07 / 14:48
Müəllif
Nigar İxtiyarqızı
Şərhlər
Digər xəbərlər

İcmal büdcədə 7,6 milyard artıqlıq yarandı

2019-cu ilin gəlirləri açıqlandı

Ekspertdən pensiya təklifi: “ABŞ modeli”nə keçək

Kapital Bank UNEC-də “Karyera Günü” keçirib

Azərbaycanda daha bir zavod inşa edilir

Kapital Bank rəqəmsal bankçılıq sahəsində ilkə imza atdı

Mərkəzi Bank yeni məzənnəni açıqladı

Birjalarda neftin son qiyməti

Elmə ayrılan xərclər əsaslı şəkildə artırılacaq - Nazirlik

Nazir Çinə səfər edəcək

KULT
<>
Xəbər xətti
 
Axar.az'da reklam Bağla
Reklam
Bize yazin Bağla