Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Sentyabr 2019


Rektorlar niyə bunda maraqlı deyil? – Ekspert

Ana səhifə İqtisadiyyat
12 Punto 14 Punto 16 Punto 18 Punto

Bu gün Bakı şəhərində, xüsusilə tədris ayları ərzində yaranmış sıxlığa səbəb kimi bir çoxları ali məktəblərin paytaxtda yerləşməsini göstərir. Hətta bu sıxlığın qarşısını almaq üçün bəzi ekspertlər təklif edir ki, universitetlər şəhər ətrafına və ya bölgələrə köçürülməli, kampus universitetlər yaradılmalıdır.

Əmlak eksperti Elnur Fərzəliyev açıqlamasında bildirmişdi ki, hətta kampus universitetlərin yaradılması üçün universitet rəhbərləri banka müraciət etsə, istənilən bank onlara bu məqsədlə kredit verməyə hazırdır.

Maraqlıdır ki, niyə universitetlər kampus şəkildə fəaliyyətə maraqlı deyil? Buna nə mane olur və universitetlər bunun üçün kredit almağa həvəslidirmi?

Mövzu ilə bağlı Axar.az-a açıqlama verən təhsil eksperti Elşən Qafarov bildirib ki, əslində bu gün istənilən ali məktəbin gəliri kampus universitet yaratmağa imkan verir.

“Nəzərə alın ki, Azərbaycanda hər bir universitetin gəliri tələbə ödənişlərindən formalaşır. Beynəlxalq təcrübədə isə belə deyil. Xarici universitetlərin gəlirləri ödənişlərlə yanaşı, universitetlərin müxtəlif qrant layihələrdə, elmi araşdırmalarda iştirakından gəlir.

2019-cu ilin qəbul statistikasına əsasən, ölkə universitetlərinə daxil olan hər 100 tələbədən 70-i ödənişli əsaslarla təhsil alacaq. Bu, ali məktəblərin gəlirinin bu il ərzində kifayət qədər yüksək olacağı anlamına gəlir.

Təhsilin İnkişafı üzrə Dövlət Strategiyasında qeyd olunur ki, dövlət ali məktəbləri kampus şəraitinə keçməyə təşviq edir. Yəni dövlət də bunu istəyir, təklif edir. Daha dövlət universitetlər üçün kampus tikməli deyil ki! Yəni hər universitetə bunun üçün aşağı faizli kredit verilə və yaxud da faizsiz kreditlər təşkil edilə bilər. Ancaq təəssüf ki, bizim universitetlərimizin böyük əksəriyyəti bunda maraqlı deyil”.

Təhsil eksperti bildirib ki, bu gün universitet rəhbərlərinin çox az qismi universitetin inkişafı üçün müəyyən iş görür:

“Təbii ki, bura hamısı aid deyil. Bəzi universitetlərdə inkişaf gedir, ancaq bunu bütün ali məktəblərimizə aid etmək olmur.

Bir sözlə, bu gün ali məktəblərə ödənişli əsaslarla daxil olan tələbələrin ödənişləri əsasında kampus universitetlər yaratmaq mümkündür. Bunun üçün heç universitetlərin kredit götürməsinə də ehtiyac qalmaz. Kampus universitetlərin yaradılmasında universitet və rəhbərliyi maraqlı olmalıdır”.

Tarix
2019.09.09 / 13:48
Müəllif
Nigar İxtiyarqızı
Şərhlər
Digər xəbərlər

Kapital Bank dünya nəhəngi ilə memorandum imzaladı

Dollar bu gün neçəyədir?

Neft yenə bahalaşdı

Dollar ucuzlaşacaq – Ekspert səbəbi açıqladı

Nazir “Əsrin müqaviləsi”ndən danışdı: 143 milyard gəlir...

Neftin son qiyməti

Mərkəzi Bank yeni məzənnəni açıqladı

Yusifzadə açıqladı: 492 milyon ton neft...

Sosial evləri varlılar alıb, kasıblara kirayə verir - İqtisadçı

Neftin son qiyməti: stabilləşmə başladı

KULT
<>
Xəbər xətti
 
e-vetendash
Axar.az'da reklam Bağla
Reklam
Bize yazin Bağla