Ana səhifə İqtisadiyyat |
Rus rublunun durmadan dəyərdən düşməsi ölkədə, o cümlədən cənub bölgəsində daşınmaz əmlak və avtomobil bazarında olduğu kimi qızıl-zinət əşyalarının satışında da durğunluğa səbəb olub.
Axar.az Cənub TV-yə istinadən bildirir ki, qızıl satışı ilə məşğul olan satıcılar oktyabr—noyabr aylarından demək olar ki, alıcı üzünə həsrət qaldıqlarını deyirlər. Lakin bununla belə, qiymətlərin yaza doğru, toyların çoxalması ilə yüksələcəyi ehtimal edilir. Vitrinlərdə çəkisinə, formasına və daş-qaşına görə ən müxtəlif cür və saysız hesabsız qızıl zinət əşyaları olsa da, bir nəfər də olsun müştəri gözə dəymir.
Elə satıcılar da bir yandan rus rublunun bazara təsirindən, bir yandan da toyların azlığından gileylənir. Onların dediyinə görə, qızıl-zinət əşyalarının qiymətində təxminən 10-15 faizlik ucuzlaşma olsa da, hələ ki, bazara üz tutanlar dəyəri daha yüksək olan toy üçün nəzərdə tutulmuş qızıl dəstləri və nişan üzükləri deyil, hədiyyəliklər alırlar. Qiymətlərə gəldikdə isə hazırda bazarda qızılın alışı 16 manat, satışı isə 583 və 585 əyarlı qızıllar üçün 20-25, 750 əyarlı üçün isə 30-35 manatdır. Toy üçün alınan qızıl dəstlərinin qiyməti 800 manatdan başlanır. Brilyant qaşlı nişan üzüklərinin qiyməti isə 300 manatdan ta ki bir neçə min manata kimi.
Tarix
2015.01.31 / 08:30
|
Müəllif
Hüseyn Valeh
|