2024.04.29 - 23:28

İmişlidə yol-nəqliyyat hadisəsi baş verib. Minik avtomobillərinin toqquşması nəticəsində 4 nəfər xəsarət alıb.

Axar.az xəbər verir ki, yol qəzası saat 22 radələrində İmişli şəhəri Nəcməddin Savalanov küçəsində qeydə alınıb.

***

İmişlidə minik avtomobillərinin toqquşması ilə nəticələnən yol-nəqliyyat hadisəsi zamanı xəsarət alanların sayı 6 nəfərə çatıb.

"Mersedes" və VAZ-2107 markalı minik avtomobilləri toqquşub. Hadisə zamanı xəsarət alanlar - İmişli rayonu Xəlfəli kənd sakinləri 1956-cı il təvəllüdlü Sədiyar Əlisəfa oğlu Mərdəliyev, 1991-ci il təvəllüdlü Günay Səhliyar qızı İmanova, 2024-ci il təvəllüdlü əkiz qardaşlar Nurlan Nemət oğlu Niftullayev və Firudin Nemət oğlu Niftullayev, 1986-cı il təvəllüdlü Səliqə Səhliyar qızı Ağayeva, 1958-ci il təvəllüdlü Gülmayə Xudayar qızı İmanova İmişli rayon Mərkəzi Xəstəxanasına yerləşdirilib. Yaralılara təcili təxirə salınmaz tibbi yardım göstərilib. Sədiyar Mərdəliyev və Günay İmanova Bakıdakı xəstəxanalardan birinə təxliyə olunub. Əkiz uşaqlar Nurlan və Nemət reanimasiya şöbəsinə yerləşdirilib, digər iki nəfərin yüngül xəsarət aldığı bildirilir.

Faktla bağlı araşdırma aparılır.