ABŞ-ın əsas ticarət partnyoru olan 6 ölkədə dolların indeksi 0,17% aşağı düşərək 95,31 bal olub.

Axar.az RİA-Novosti agentliyinə istinadən xəbər verir ki, buna əsas səbəb Yaponiya Baş nazirinin iqtisadiyyat üzrə məsləhətçisi Etsuro Hondanın çıxışı olub.

Məhz bundan sonra dollar dünya valyutalarına nisbətdə nəzərə çarpacaq dərəcədə ucuzlaşmağa başlayıb. Belə ki, avronun dollara nisbətdə kursu 1,1200 dollara bərabər olub. Həmçinin dolların yenə qarşı kursu 120,13-dən 119,67-yə düşüb.

Qeyd edək ki, dünən Honda açıqlamasında dolların yenə qarşı kursunun bundan sonra qalxmayacağını bildirmişdi.

Onu da xatırladaq ki, dolların indeksi bundan öncə 95,51 bala qalxaraq tarixi rekordunu qırmışdı.