Ana səhifə İqtisadiyyat |
ABŞ Mərkəzi Bankının (FED) uçot dərəcəsini artırmaqla bağlı bəyanatında "səbirli" olmaq ifadəsini çıxarmasından sonra dünyada dolların kursunda 2009-cu ildən bu yana ən böyük eniş müşahidə edilib.
Axar.az xəbər verir ki, FED ötən gün bəyanatında uçot dərəcəsini sabit saxlayıb. Rəsmilər faiz artımının pilləli şəkildə tətbiq olunacağını və inflyasiya məlumatlarına uyğun addım atılacağını bildiriblər.
Uçot dərəcəsinin hansı tarixdə artırılacağı isə açıqlanmayıb.
Analitiklər isə faiz artımının ya iyundan başlayaraq yavaş-yavaş ediləcəyini və yaxud sentyabrdan etibarən nisbətən daha sürətli olacağını ehtimal edirlər.
FED-in açıqlamasından sonra dünyada dolların kursu digər valyutalar qarşısında qısa zamanda ucuzlaşıb.
Dollar 1,75 faiz geriləyərək 1,194 balla 2009-cu ilin martından bu yana ən böyük enişi göstərib. Dollar avro qarşısında 2,5 faiz dəyər itirərək 1,0864 dollar olub. Dollar yapon yeninə nisbətən isə 1 faiz geriləyərək 120,11 yen olub.
Tarix
2015.03.19 / 14:59
|
Müəllif
İlham Sahiloğlu
|