Dolların dünyanın əsas ehtiyat valyutası kimi hökmranlığı Avropa Birliyi liderlərinin Avropa iqtisadiyyatını xilas planı haqqında əldə etdikləri razılaşmadan sonra təhdid altında qala bilər.

Axar.az xəbər verir ki, bu iddia ilə “Blumberq” agentliyi çıxış edib.

“Dolların payına dünya rezervlərinin 60%-i düşür. Dollar beynəlxalq tranzaksiyalarda digərlərindən daha çox istifadə edilir. AB-nin təsdiqlədiyi stimul paketi vahid Avropa valyutasının cəlbediciliyini artırır. Qlobal iqtisadiyyat pandemiyadan sonra bərpa olunan kimi avro daha çox güclənəcək. AB-nin müştərək borc öhdəlikləri ABŞ-ın xəzinə istiqrazları üçün alternativ ola bilər. Əgər bu baş versə, o zaman dolların payı rezervlərdə 1990-cı illərdən bu yana minimuma enə bilər”, – agentlik bildirib.